Komiteti për Emergjencë dhe Shpëtim i komunës së Vitisë, ka filluar me përgatitjen e pakos së dytë ndihmëse për familjet në nevojë të kësaj komune.
Nga donacionet që ka siguruar komune e Vitisë, nga donatorë të ndryshëm, do të kenë mundësi që të shpërndahen mbi 1 mijë pako më gjëra ushqimore e higjienike, sasi e konsiderueshme e miellit, patate dhe gjërave tjera elementare.
Kryetari i komunës, Sokol Haliti, u shpreh se me ndihmat që po ofrojnë donatorët, si dhe me mbështetjen tonë nga ana tjetër, do të arrijmë që të ofrojm një ndihmë shumë të domosdoshme familjeve në nevojë.
Pas shpërndarjes së pakove që i kemi dhënë në javët e kaluara, tash kemi filluar me pakon e dytë, e gjithashtu edhe këtu përfshihen edhe familje në nevojë nga komunitetet serbe, kroate, boshnjake e ashkali, që jetojnë në komunën tonë.
Po arrijmë me sukses ta menaxhojm këtë situatë emergjente bashkë me organizmat tjerë, organizatat e shoqatat që janë të inkuadruara në Komitetit për Emergjëncë dhe Shpëtim”, ka thënë kryetari Haliti.
