Partia Demokratike e Kosovës (PDK), në Gjilan. kërkon nga përfaqësuesit e saj në Kuvend angazhim për rritjen e subvencioneve për familjet e dëshmorëve.
…duke marrë në konsideratë gjendjen e rënduar sociale, ta ngritin domosdonë e rritjes së vlerës së subvencioneve (tani është 130 €), për familjet e dëshmorëve…
Në takimin e radhës të Komisionit për Shëndetësi dhe Mirëqenie Sociale, në kuadër të Degës së PDK-së në Gjilan, u diskutua për gjendjen e përgjithshme në shëndetësinë e Gjilanit, për mungesën e kohëpaskohshme të furnizimit me terapi dhe çështje të tjera që po e vështirësojnë shëndetësinë gjilanase.
“Pas reagimit tonë lidhur me vonesën e pagave, nga tetori 2016, për punëtorët shëndetësorë të QKMF-së, megjithatë, ndonëse jo të gjitha pagat, Komuna reflektoi me një pagë për këta punëtorë”, ka thënë Enver Murtezi, kryetar i Komisionit për Shëndetësi dhe Mirëqenie Sociale të PDK-së.
Ndërkaq, nga ky takim, doli kërkesa për Komitetin për Shëndetësi, respektivisht, për anëtarët e PDK-së në këtë komitet, dhe për Grupin e Këshilltarëve të PDK në KK të Gjilanit, njëkohësisht, që duke marrë në konsideratë gjendjen e rënduar sociale, ta ngritin domosdonë e rritjes së vlerës së subvencioneve (tani është 130 €), për familjet e dëshmorëve.
