Ka vdekur sot në moshën 71 vjeçare aktori i njohur, Rasim Thaçi-Cima.
Lajmi është bërë i ditur nga familjarët e aktorit.
Ai ka disa ditë që ishte i prekur nga Covid-19 dhe ishte i shtrirë në Klinikën infektive.
Rasim Thaçi, i cili për publikun njihet si Cima do të mbetet në kujtesën e publikut me rolet e tij të shumta komike.
Familja e të ndjerit, ka njoftuar se varrimi i Rasim Thaçit – Cima do të bëhet nesër (e shtunë) në fshatin Vukovc, në orën 13:00.
“Të dashur familjarë, miq, shokë e dashamirës,
Ju njoftojmë se sot, më 26 mars, ndërroi jetë më i dashuri ynë – Rasim Thaçi!
Varrimi bëhet nesër në fshatin e lindjen – në Vukovc, prej orës 13:00.
Familja e Rasim Thaçit”, thuhet në njoftimin e familjes Thaçi.
