Iniciativa Qytetare e Zhegrës për herë të parë organizon një debat me kandidatët për këshilltarë komunal nga Zhegra dhe rrethina.
IQZH kështu nxitë një standard të ri në politikëbërje por edhe në llogaridhënie ndaj banorëve të Zhegrës me rrethinë, të përfaqësuesve politik në Kuvend Komunal.
Debati ka për qëllim të shfaqë para qytetarëve kandidatët për këshilltarë komunal nga të gjitha subjektet garuese dhe t’u jepet mundësia gjithsecilit të shpreh konceptin politik dhe ideologjik, e pse jo edhe të siguroj vota në Zgjedhjet e 22 tetorit.
Ky debat do të udhëhiqet nga një moderator i caktuar nga organizatori, ndërsa pyetjet, një pjesë do të jenë nga organizatori ndërsa, pjesa tjetër do të jetë nga të pranishmit dhe nga lexuesit e portalit. Zhegra.info. Inkurajojmë të gjithë lexuesit që të shtrojnë pyetje për kandidatët dhe të njëjtat t’i dërgojnë me mesazh, në faqen e portalit në Facebook.
Debati është paraparë të mbahet të dielën e 24 shtatorit, në objektin e shkollës fillore “Agim Ramadani” në Zhegër, ora 19:00 dhe është i hapur për të interesuarit e Zhegrës me rrethinë. Ndërsa, do të transmetohet direkt në faqen e portalit Zhegra.info. Kandidatët e ftuar duhet patjetër të konfirmojnë pjesëmarrjen deri më 22 shtator, ora 24:00, në të kundërtën do të ju pamundësohet pjesëmarrja.
Kandidatët e ftuar për debat janë:
AAK
1. Sabri REXHEPI
2. Shukri ABDULLAHU
3. Dafina DEMA
4. Mustafë ALIU
5. Arlind AJETI
6. Ilir ZEQIRI
AKR
1. Ibrahim QERIMI
LDK
1. Shpresa KURTESHI
2. Ramiz RAMADANI
3. Isa AGUSHI
4. Vineta SHAQIRI
5. Shemsedin ELEZI
NISMA
1. Enver HAJRULLAHU
2. Dhurim UKSHINI
3. Adnan EMINI
PDK
1. Burhan Isufi
2. Ruhan KURTESHI
Vetëvendosje
1. Xhelal HAJRULLAHU
2. Ramiz MURSELI
