Autoritetet policore kanë bërë me dije se një person është rrokullisur me traktor dje pas dite në një pyll të fshatit Ruboc të Kamenicës.
Sipas raportit policor, është raportuar se viktima, mashkull kosovar, derisa kishte qenë duke bartur dru në mal ishte rrokullisur me traktor dhe si pasojë kishte pësuar lëndime trupore. Viktima me ndihmë të shpejtë është dërguar në QKMF Kamenicë, por sipas mjekut ai ishte sjellë pa shenja jete.
Në vendin e ngjarjes kanë dalë njësitë relevante policore, zjarrfikësit dhe prokurori me urdhrin e të cilit trupi i pajetë i viktimës është dërguar në IML për obduksion. /2LONLINE.com/
