Gjilan: Dy raste të dhunës në familje, ndaj nipit dhe ndaj bashkëshortes

Autoritetet policore të Kosovës kanë bërë me dije për dy raste të ndara të dhunës në familje që kanë ndodhur në Gjilan, rasti i parë ndaj nipit dhe rasti tjetër ndaj bashkëshortes.

· Gjilan 24.09.2020-22:00. Është arrestuar i dyshuari mashkull kosovar (me probleme mendore), nën dyshimin se, i njëjti ka ushtruar dhunë fizike ndaj nipit. Në konsultim me prokurorin i dyshuari është ndaluar për 48 orë dhe dërguar në raportin e psikiatrisë, nën mbikëqyrjen e policisë.

· Gjilan, 25.09.2020-18:00. Është arrestuar i dyshuari mashkull shqiptar, shtetas i Serbisë, për shkak se kishte ushtruar dhunë fizike ndaj bashkëshortes së tij, viktimës femër kosovare, me të cilën ishte ndarë. Me vendim të prokurorit i dyshuari është dërguar në mbajtje për 48 orë. /2LONLINE.com/