KRU Hidromorava në Gjilan ka bërë me dije se në kuadër të angazhimeve për të luftuar fenomenin e kyqjeve ilegale në ujësjellës, janë shkyqr nga rrjeti i ujësjellësi tri kyçje të tilla, pasi kompania nuk do të ketë tolerancë në këtë drejtim.
“Ekipet tona inspektuese fillojnë ditën e punës me një fokus të fortë mbi identifikimin dhe ndalimin e kyçjeve ilegale të ujësjellësit, puntorët tanë po tregojnë shkathtësi të lartë dhe profesionalizëm në kryerjen e detyrës së tyre. Ata janë duke identifikuar me sukses konsumatorët të cilët po keqpërdorin burimin më të çmuar të ujit. Duke kujdesur për burimet tona ujore, ne po ndërmarrim hapa të vendosur për të siguruar që ky fenomen të eliminohet dhe parandalohet në të ardhmen”, thuhet në njofitmi ne hidromoravës.
Po ashtu thuhet se me një përkushtim të padiskutueshëm ndaj menaxhimit të burimeve ujore dhe zbatimit të ligjit, KRU Hidromorava është duke bërë ndryshime të thella në rrjedhën e punës së tij.
KRU Hidromorava i qëndron besnik principit të asnjë tolerimi për konsumatorët të cilët shkelin rregullat dhe ligjet që rregullojnë përdorimin e ujit të pijshëm. Kyçjet ilegale të ujësjellësit nuk do të tolerohen dhe do të ndëshkohen me maksimumin e procedurave ligjore. Ata do të shkyçen nga rrjeti i ujësjellësit dhe do të ballafaqohen me procedurat ligjore të përcaktuara për shkeljen e ligjit të ujësjellësit.
“Me një ekip të përgatitur dhe të motivuar, ne kemi besimin se do të jemi në gjendje të përmbushim misionin tonë për të garantuar që uji të jetë një burim i përbashkët i qytetarëve tanë dhe të përdoret me përgjegjshmëri”, thuhet në fund të njoftimit të KRU Hidromorava, lidhur me këtë çështje. /2LONLINE/
