Ministri i Tregtisë dhe Industrisë, Bajram Hasani ka takuar të premten ministrin e Ekonomisë së Maqedonisë, Kreshnik Bekteshi me të cilin janë dakorduar për vazhdimin e bashkëpunimit të mirë mes të dyja vendeve.
Me këtë rast ministri Hasani ka shfaqur përkushtimin e tij për vazhdimin e marrëdhënieve të mira mes Kosovës dhe Maqedonisë.
Hasani e ka cilësuar të suksesshëm raportin mes Kosovës dhe Maqedonisë si në aspektin ekonomik, tregtar dhe bashkëpunimin në fushën e investimeve.
Hasani është shprehur se takime të tilla kontribuojnë në thellimin e mëtejmë të bashkëpunimit.
Gjithashtu ministri Hasani, ka përmendur faktin se Kosova është një partner i rëndësishëm ekonomik dhe tregtar i Republikës së Maqedonisë dhe vend me të cilin kemi një shkëmbim të madh tregtar.
Ministri Hasani dhe ai Bekteshi kanë biseduar edhe për masën e vendosur nga Kosova për pemët dhe perimet e importit.
