Për herë të parë në Luginë të Preshevës një grua shofere e autobusit, edhe ate në relacione ndërkombëtare. zejnepe lekaBëhet fjalë për Zejnepe Leka, instruktore nga Bujanoci. Deri më tani ka realizuar qindra orë në disa destinacione të ndryshme të shteteve të Bashkimit Evropian.
Leka e cila posedon pothuajse të gjitha kategoritë në patentë shofer, në një rast ka habitur edhe policinë kufitare zvicerane, në Chiasso, pikë kufitare mes Italisë dhe Zvicrës.
Asaj i ishin kërkuar që të gjitha dokumentet, dhe natyrisht se asgjë nuk i mungonte derisa kjo ishte hera e parë për zviceranët që një grua nga ky rajon, në një relacion kaq të gjatë drejton autobusë me pasagjerë, raporton Titulli.
E shkathët dhe e aftë në punën që bënë, Zejnepe Leka përveç drejtimit të autobusëve në relacionin ndërkombëtar, ajo tashmë me kompaninë ‘Mimoza 93′ nga Presheva mbanë edhe linjat e rregullta në relacion Preshevë – Bujanoc dhe anasjelltas.
Zejnepe Leka dikur ishte instruktore në autoshkollën “Goga” në Bujanoc.
Ajo në fillim të punës së re ishte shikuar me habi nga pasagjerët, ndërsa tani ata kanë fituar besimin e saj duke pas parasysh edhe përvojën disa vjeçare në aftësimin e shoferëve të rinj.
