Drejtoria Rajonale e Policisë në Gjilan, Njësia Rajonale Komunikacionit Rrugor (NjRKRr) derisa ishte duke ndërmarr veprimet e nevojshme policore gjatë kontrollit rutinë të shpejtësisë me radar ka arritur të identifikojë dy vozitës, të cilët me automjetet e tyre kanë shkaktuar kundërvajtje në komunikacion tejkalim të shpejtësisë në rrugën magjistrale Gjilan- Dardanë përballë kazermës së FSK-së, komuna Gjilan ku shpejtësia është e kufizuar 50 km/h.
Njësia Rajonale e Komunikacionit Rrugor në Gjilan pasi ka ndaluar vozitësit që kanë shkaktuar kundërvajtje ka bërë konfiskimin e patentëshoferëve si masë mbrojtëse për gjashtë muaj, 300euro gjobë si dhe tri pikë negative.
Me këtë rast, Drejtoria Rajonale e Policisë në Gjilan, Njësia Rajonale Komunikacionit Rrugor, (NjRKRr) apelon qytetarët që tu përmbahen rregullave dhe Ligjit mbi komunikacionin rrugor, në mënyrë që të kemi sa më pak aksidente.
“Po ashtu ftojmë qytetarët dhe mediat që për të gjitha kundërvajtjet që mund të shkaktohen në komunikacion, të njoftojnë menjëherë policinë, stacionin më të afërt, apo përmes aplikacionit digjital ‘’Lajmëro Policinë ‘’ dhe në numrat kujdestarë : 192. Të dhënat e juaja do të ruhen në konfidencialitetin e plotë”, thuhet në komunikatën e policisë. /2lLONLINE/
