/2L ONLINE/ – Të Dielën janë zhvilluar pesë takimet e javës së dytë në Vala Superligën e Kosovës në futboll, ku skuadra gjilanase, KF Gjilani shënoi fitore si vendës, derisa skuadra tjetër gjilanase KF Drita, u kthye duarbosh nga Mitrovica.
Skuadra e Gjilanit, shënoi fitoren e parë dhe regjistroi tri piktë e para pasi si vendës mundi skuadrën e Feronikelit, me rezultat 2 me 1. Gjilanit iu deshën 45 minutat e pjesëtojë së dytë për të shënuar fitoren pasi në pjesëlojën e parë portat mbetën të paprekura.
Isa Eminhhaziri, që kishte shënuar edhe në takimin e parë të Gjilanit, prishi rezultatin e bardhë të këtij takimi, duke shënuar menjëherë në pjesën e dytë, saktësisht në minute e 47-të.
Mysafirët barazuan në minutën e 85-të përmes Besnik Krasniqit dhe kur nga dikush edhe u prit që këto dy skuadra në këtë ballafaqim do të ndahen në paqe, secili me nga një pikë, dy minuta para kohës së rregullt të përfundimit të takimit, Betim Haxhimusa sjellë gëzimin te skuadra gjilanase dhe bënë që pikët e plota të mbesin në Gjilan.
Tani KF Gjilani rreshtohet në pozitën e gjashtë të tabelës, me tri pikë të fituara nga dy xhiro.
Skuadra tjetër gjilanase, KF Drita ndonëse u prit që të përsërisë suksesin e xhiros së parë, ku si mysafirë mori tri pikë, kësaj radhe u kthye duarbosh sepse u ndal nga Trepça 89, ndonëse me rezultat minimal, edhe atë pësoi nga pika e bardhë.
Golin, KF Drita, e pësoi në minutën e 81-të të takimit, dhe loja e mëpastajme nuk solli fryt për skuadrën gjilanase për të barazuar së paku dhe marr një pikë.
Golin për vendës e shënoi Shpëtim Idrizi nga penalltia. Përndryshe, gjilanasit që nga minuta e 65 luajtën me një lojtar më pak pas kartonit të kuq të Florim Berishës.
Tani Drita është e shtata në tabelën e klasifikimit me 3 pikët e fitores nga xhiroja e parë.
Përndryshe, në xhiron e ardhshme, të tretën me radhë, në Vala Superligën e Kosovës në futboll, që luhen me 3 shtator, prej orës 16:00, skuadrat gjilanase do ta kenë këtë ballafaqim:
Drita – Llapi
Ferizaj – Gjilani
Përndryshe ja rezultatet e plota të xhiros së dytë si dhe tabela e klasifikimit.
