Sonte në Gjilan mbahet Festivalit Muzikor“ N’Rrot Fest”, Edicioni i Parë.
Siç edhe jeni njoftuar, festivali më i ri në Kosovë, do mbahet të premten mbrëma me fillim nga ora 20:30, në Galerinë e Qytetit në Gjilan.
Organizatorët premtojnë natë të veçantë me muzikë të zgjedhur nga DJ, tashmë të dëshmuar në vend.
Menaxheri Qëndrim Kqiku, fton të gjithë qytetarët anekënd Kosovës t’i bashkohen kësaj ngjarje, marrë parasysh se Festivali ka edhe karakter social/humanitar.
“Sa më shumë qytetarë pjesëmarrës, aq më shumë familje në nevojë do të ndihmohen”, ka thënë Kqiku.
Ndërsa, organizatori, Albert Fazliu, ka konfirmuar zyrtarisht artistët pjesëmarrës dhe ka theksuar se do jenë 7 artistë, ndërsa ka pohuar se gjithçka po shkon sipas planit organizativ artistik.
Hyrja për gjithë të interesuarit është 2 Euro. /Elife SHERIFI/
