Lojtari i SC Gjilanit, Edi Basa është shprehur optimist në konferencën për shtyp para duelit që klubi gjilanas e ka ndaj Dukagjinit, megjithëse ka bërë thirrje për bashkëlojtarët e tij që ndeshjen ta marrin me seriozitet, pasi që nuk ka ndeshje të lehtë.
Anësori i krahut të djathtë i SC Gjilanit, ka potencuar se skuadra është duke punuar çdo ditë e më shumë në kërkim të progresit për të cilin janë duke punuar.
“Ndeshja e nesërme nuk do të jetë e lehtë, ashtu sikurse edhe çdo ndeshje tjetër. Megjithatë, ne jemi gati, kemi punuar për këtë ndeshje dhe jemi në pritje të progresit të cilët po e kërkojmë çdo ditë në seancat stërvitore”, tha Basa.
Ai tha se do të bëjnë gjithçka nesër që të fitojnë, të nisin ecurinë e rezultateve pozitive me fitore.
Ne po punojmë për këtë çdo javë dhe në çdo seancë stërvitore”, shtoi ndër të tjerash Basa.
Numri dhjetë i skuadrës ka deklaruar se ekipi nuk ka presion, pavarësisht që ende nuk e ka marrë fitoren e parë kampionale, ndërkohë që ka folur edhe për dallimet ndërmjet sezonit paraprak dhe këtij aktual.
“Kemi patur një ekip shumë të mirë edhe vitin e kaluar, por tani kemi një stil të ri dhe mua më pëlqen personalisht. Trajneri kërkon nga ne në lojë të bëjmë atë të cilën e bëjmë në stërvitje”, tha Basa.
“Nuk kemi presion, pavarësisht dy rezultateve të para. Duhet theksojmë që nuk kemi patur edhe fat dhe shpresojmë që fati të na rikthehet nga kjo ndeshje”, përfundoi futbollisti kroat që mbron ngjyrat kuqebardh të skuadrës gjilanase.
Përndryshe, SC Gjilani udhëton drejt Klinës për tu përballur me Dukagjinin, ndeshje që luhet të dielën, në stadiumin “18 Qershori”, me fillim nga ora 16:00. /2LONLINE/
