Nëntoger Xhevahir Hasanaj fitoi Medaljen – kadeti më i mirë ndërkombëtarë në studimet ushtarake në Akademinë Ushtarake Mbretërore në Sundhurst
Komandanti i Forcës së Sigurisë së Kosovës, gjenerallejtënant Rrahman Rama në kuadër të vizitës zyrtare në Mbretërinë e Bashkuar, sot mori pjesë në ceremoninë e diplomimit të kadetëve oficer në Akademinë Mbretërore ushtarake ,,Sundhurst’’, ku diplomojnë nëntogerët Xhevahir Hasanaj dhe Arlind Bajrami nga Forca e Sigurisë së Kosovës.
Kryeministrja e Mbretërisë së Bashkuar Theresa May ishte ajo e cila i inspektoi kadetët në emër të lartmadhërisë Mbretëreshës Elisabet si dhe ndau medalje për nëntogein Xhavhir Hasanaj dhe certifikatat e diplomimit të kadetëve që mbaruan studimet atje.
Me rastin e dhënies së medaljes së oficerit të FSK-së, nëntoger Xhevahir Hasanaj, kadeti me rezultatet më të larta nga oficer- kadetët ndërkombëtarë, komandanti i FSK-së, gjenerallejtënant Rrahman Rama tha se rezultati i shkëlqyer i oficerit të FSK-së ka rëndësi të veçantë për Forcën e Sigurisë së Kosovës dhe Kosovën.
“Jam i privilegjuar që sot gjendem këtu në cilësinë e komandantit për të nderuar këtë ngjarje madhështore e organizuar nga kjo akademi me nam në të cilën oficerët tanë vazhdojnë të na bëjnë krenar me rezultatet e tyre kudo që ata trajnohen në shkollat dhe akademitë ndërkombëtare”, tha Komandanti i FSK-së.
Në Sundhurst pos komandantit të FSK-së, gjeneral Rama ishte i pranishëm edhe Presidenti i Republikës, Hashim Thaçi, ambasadori i Kosovës në Mbretërinë e Bashkuar, si dhe Lirim Graiçevci, pastaj kolonel Xhevahir Geci, ushtrues detyre i komandantit të Brigadës për Reagim të Shpejtë(BRSH), nënkolonel Ali Krasniqi, shef i Departamentit për bashkëpunim e Siguri në kuadër të Ministrisë për Forcën e Sigurisë së Kosovës, si dhe nënkolonel Gregor Lindsay.
Pas 12 muajsh shkollim në Akademinë Mbretërore Ushtarake Sandhurst, në Britaninë e Madhe, oficeri i Forcës së Sigurisë së Kosovës, Xhevahir Hasanaj fitoi medaljen për kadetin ndërkombëtar më të mirë i cili ka arritur rezultate më të mira në studimet ushtarake, akademike, dhe praktike.
Kjo është hera e dytë që një oficer kadet nga Kosova fiton çmim si kadeti më i mirë ndërkombëtarë, duke pas parasysh që në vitin 2015, nëntoger Ismail Hoxha pati fituar shpatën e argjendtë.
