![“Dardanët” me sfidën e radhës, sonte ndeshja ndaj Sllovenisë](https://2lonline.com/file/2019/10/Kosovaa-150x89.jpg)
Me fillim nga ora 20:45 fillon ndeshja Kosovë-Slloveni, ndeshje kjo në kuadër të grupeve dhe vjen pas humbjes naj Maqedonisë së Veriut.
Kombëtarja e Kosovës kërkon që pas disfatës ndaj Maqedonisë së Veriut, ndeshje ajo e vlefshme për “Euro 2020”, të gjejë fitoren e mundshme ndaj Sllovenisë.
Kosova në renditjen tabelare në grupin C qëndron në vendin e tretë, ku ka arritur të grumbullojë vetë një pikë, ndërsa Kombëtarja e Sllovenisë qëndron në një pozitë të favorshme ku ndan pikët e njëjta me Greqinë, respektivisht këto dy kombëtaret e fundit kanë nga katër pikë.
“Dardanët” kanë përfunduar seancat stërvitore në stadiumin “Fadil Vokrri” ku edhe do luajnë sonte. Po ashtu, i gjithë stafi dhe lojtarët janë testuar për Covid-19 ku asnjë test nuk ka rezultuar pozitivë dhe janë të gatshëm sot ndaj Sllovenisë.
Tekniku i Kosovës, Challandes ka deklaruar se do jetë një përballje shumë e vështirë pasi që lojtarët janë të lodhur pas ndeshjes me Greqinë, por pret që ta japin më të mirën drejt një fitore të mundshme.