Para ndeshjes FC Drita – KF Llapi, futbollisti i Dritës, Rron Broja shprehet optimist. AI theksoi se gjatë javës kanë punuar shumë për t’u kthyer te fitorja.
“Gjatë gjithë javës jemi mundur të punojmë dhe t’i përmirësojmë gabimet nga ndeshja e kaluar. Besoj që ndeshja e nesërme na jep mundësi të përmirësojmë gabimet dhe me shumë angazhim të kthehemi te fitorja”, ka thënë Broja.
Ai shtoi se e vlerësojnë skuadrën kundërshtare dhe beson se nesër do të jetë një lojë më e hapur, por se ai me bashkëlojtarët e tij, do të mundohen ta dominojnë ndeshjen dhe ta marrin fitoren.
“Ne gjithmonë do të besojmë dhe do të fokusohemi te ndeshja e ardhshme dhe të vazhdojmë kampionatin me një qetësi më të madhe. Shpresoj që prej nesër t’u kthehemi fitoreve dhe besoj që me eksperincën që ka ekipi të kthehemi te rezultatet dhe të vazhdojmë synimet tona”, ka theksuar Broja. /2LONLINE/
