Mbahen garat e diturisë në nivel komunal

Janë mbajtur garat e diturisë në të gjitha shkollat fillore në komunën e Vitisë.

Në kuadër të shkollave janë mbajtur garat për klasat e pesta, ndërsa në nivel komunal pjesëmarrëse në to ishin nxënësit e klasëve të nënta.

Drejtoresha për Arsim në Viti Arta Ajeti, bëri të ditur se përpos lëndëve të përcaktuara, garat janë mbajtur edhe në fushat e artit, duke përfshirë esenë dhe pikturën.

SHFMU ” 28 Nëntori” në Vërban u rendit e para në këto gara, vendin e dytë SHFMU “Dëshmorët e Vitisë” në Viti dhe në vendin e tretë u rendit SHFMU ” Halil Alidema” në Pozheran.

Ndërsa në garat e fushave të artit, vendin e parë e zuri SHFMU “28 Nëntori” në Vërban.

Shpërblimet për ekipet fituese do të ndahen me 7 Mars 2023,në shtëpinë e kulturës ‘’Gursel e Bajram Sylejmani’’ në ora 10:00. /2LONLINE/