“Aksioni “Sofra e Ramazanit” i organizuar nga Shoqata Humanitare Bamirëse “Bereqeti”, e që për qëllim kishte begatimin e sofrave të iftarit ka gjetur dhe po gjen mbështetje edhe në ditët e sotme. Një përkrahje dhe një mbështetje për këtë aksion, sot erdhi edhe nga Ambasada e Amerikës në Kosovë, e cila mbështeti këtë aksion me 25 pako ushqimore”, bëhet e ditur në një njofitm të Bashksisë Islame të Kosovës.
Në emër të Ambasadës Amerikane, këtë donacion e dorëzoi z. John Bush, zyrtar për të drejtat e njeriut dhe liritë fetare.
Zyrtarët e Ambasadës u mirëpritën nga përgjegjësi i Shoqatës “Bereqeti”, Behxhet ef. Ajvazi dhe nga Xheladin ef. Fazliu.
Behxhet ef. Ajvazi falënderoi përzemërsisht Ambasadën e Amerikës për përkrahjen e dhënë për këtë aksion. Ai më tutje njohu mysafirët me historikun dhe me aktivitetet e Shoqatës “Bereqeti” në përgjithësi, si dhe për aksionin “Sofra e Ramazanit” në veçanti.
Nga ana e tij, z. Bush, falënderoi dhe përgëzoi Shoqatën “Bereqeti” për aktivitetin e saj humanitar që është duke e zhvilluar për të qenë sa më pranë familjeve nevojtare, thuhet në njoftimin e BIK-ut.
