Duke u bazuar në Vendimet e Qeverisë së Republikës së Kosovës (masat mbrojtëse anti Covid 19), Drejtoria rajonale e policisë në Gjilan, ka zhvilluar aktivitete të shumta preventive me qëllim të respektimit të masave anti Covid-19.
Gjatë kryerjes së detyrës zyrtare, angazhimet policore në zbatim të masave anti covid-19 janë bërë kontrolle në qendra tregtare, sheshe mjete të transportit publik dhe lokacionet tjera në komunën e Gjilani.
Ismet Hashani, zëdhënës i Policisë së Kosovës (PK), në Drejtorinë Rajonale në Gjilan ka thënë se Policia në mbështetje të NJRSH-së dhe inspektorëve të AVUK-ut, në 17 lokale të ndryshme ka bërë kontrolle për mos respektimin e orarit të punës dhe ka larguar personat nga këto lokale, transmeton 2LONLINE.com.
Nga ana e policisë janë shqiptuar 31 gjoba nga ligji 07/L-006 nga neni 24.3 disa nga to edhe deri në 500€ lokaleve afariste hoteliere, gjeras personave fizik për mosrespektim të orarit të lëvizjes gjoba nga 200€.
Hashani tha se aktivitete me qëllime preventive nga Policia e Kosovës do të ketë në vazhdimësi. /2LONLINE/
