Klubi i basketbollit Prishtina ka zyrtarizuar trajnerin e ri. Pak minuta pas njoftimin për ndërrimin e rolit të Bujar Locit, tek Prishtina, i cili tanimë pritet të jetë ndihmës trajner, klubi nga kryeqyteti ka zyrtarizuar trajnerin e ri të skuadrës.
Teo Hojc do të jetë trajneri i ri i Prishtinës, bëhet e ditur nga klubi bardhe e kaltër.
“Slloveni Hojc, do jetë kryetrajner i klubit për pjesën e dytë të kampionatit. Teo Hojc së fundmi ishte trajner në klubin e njohur Sllovak, Patrioti Levice ku për katër vite në drejtim të këtij klubi arriti të fitoj titullin në sezonin 2018 dhe kupën në sezonin 2019”, shkruan në faqen e tyre zyrtare në Facebook, klubi i Prishtinës.
