Nga sot ka nis vaksinimi i qytetarëve të Vitisë me vaksinën kundër gripit sezonal.
Kështu ka bërë të ditur drejtoresha e QKMF-së në Viti, Vjollca Kadolli-Halili, transmeton Plus TV.
Sipas saj, kjo komunë është furnizuar me 4300 vaksina të gripit sezonal nga MSH dhe IKSHP.
“Sot në Komunën e Vitisë ka filluar vaksinimi i qytetarëve me vaksinën kundër gripit sezonal.
Procesi i vaksinimit është duke u realizuar në sallën e e edukatës fizike, te shkolla “Jonuz Zejnullahu”.
Vaksinimi do të kryhet çdo ditë pune prej orës 8.00-15.00. Përdryshe, Komuna e Vitisë është furnizuar me 4300 vaksina të gripit sezonal nga MSH dhe IKSHP”, tha ajo për Plus Tv.
Prioritet për vaksinim do të jenë punëtorët shëndetësorë, personat mbi moshën 65-vjeç, personat me sëmundje kronike, shtatëzanat dhe fëmijët me imunitet më të dobësuar.
BURIMI: PlusTV
