Vitia mbrëmë ka marr lajme jo të mira sa i përketë situatës shëndetësore me coronavirus.
Edhe 16 raste të reja me Covid-19 janë konfirmuar nga Instituti Kombëtar i Shëndetësisë Publike (IKSHP), duke çuar kështu në 51 numrin total të të infektuarve në Komunën e Vitisë, raporton PlusTV.
Vjollca Kadolli, nga Shëndetësia në Viti ka thënë se të infektuarit e konfirmuar mbrëmë pozitivë janë në fshatrat Skifteraj, Pozheran, Terstenik, Kabash, dhe në Smirë.
Kadolli tha për Plus Televizion se nga 51 të infektuarit, raste aktive, 11 pacientë janë të shtrir në Klinikën Infektive në Prishtinë.
Sipas saj, nga ata që janë në Infektivë njëri pacient, është në gjendje të rëndë për shkak të infeksionit.
Të infekturit tjerë po trajtohen në shtëpitë e tyre në vetizolim.
Kadolli ka apeluar tek të gjithë qytetarët që të respketojnë rekomandimet e institucioneve shëndetësore për kujdes të shtuar teksa ka bërë thirrje që përdorën maska, të mbahet distanca sociale dhe higjiena personale, në mënyrë që të mbrohemi nga përhapja e koronavirusit.
Kujtojmë se Vitia në valën e parë të përhapjes së virusit nga 13 marsi, kishte pasur 53 të infektuar që më vonë ishin shëruar, kurse tash e disa ditë, prej qershorit, është duke u përballur me një valë të dytë të përhapjes së coronavirusit por situata është nën kontroll, sipas institucioneve lokale.
Në Kosovë aktualisht janë 1,152 raste aktive me koronavirus, sipas Institutit Kombëtar të Shëndetësisë Publike.
Gjatë 24 orëve të fundit janë shëruar 63 pacientë derisa numri i përgjithshëm i të shëruarve deri më sot është gjithsej 1.171 raste.
BURIMI: PlusTV
