Tifozët e Dritës, ”Intelektualët” kanë humbur një nga tifozët më të zjarrtë dhe më besnik të klubit bardh e kaltër.
Bëhet fjalë për tifozin e moshuar i njohur si Dugi, ndërsa gjilanasit kanë përkujtuar atë me fjalët më të mira në faqen zyrtare në Facebook.
Ky është postimi i plotë:
Mbrëmë ka ndërruar jetë, njëri nga më të vjetrit e familjes tonë BardheKaltër, ‘Dugi’.
Dugi, ishte një tifoz që shquhej për pasionin dhe dashurinë e tij ndaj klubit si dhe përkushtimin e madh që kishte për tifogrupin gjithmonë dhe në çdo kohë. Një tifoz, që gjithherë do mbahet mend e do mirret shembull për mënyrën se si dashuronte dhe anonte për Dritën e madhe në çdo sport dhe çdo vend. Dugi do të na mungoj shum në tribinë, në shtëpinë tonë ku jemi mësuar t’a shohim gjithmonë, por kujtimi për të do jetë i paharruar!!
Varrimi i të ndjerit, bëhet nesër në kohën e drekës, ndërsa ne mblidhemi nga ora 12:00 në Champions Bar, për të marshuar në mënyrë të organizuar dhe për të qenë prezent në varrimin e tij.
Dheu qoftë i lehtë për ty Dugi.
