/2L ONLINE/ – U zbulua murali i qytetit vepër e artistëve shqiptar e amerikan
Shoqata e artistëve figurativ “Gursel Sylejmani” në bashkëpunim me grupin e artistëve nga Kolorado të Shteteve të Bashkuara të Amerikës, kanë realizuar muralin në qendër të Vitisë, projekt i cili është mbështetur nga Drejtoria për Kulturë, Rini dhe Sport dhe nga disa biznese të fuqishme të komunës së Vitisë.
Në shpalosjen zyrtare të këtij murali, ishin të pranishëm profesor të fakultetit të arteve, udhëheqës të kulturës së komunës së Ferizajt dhe Vitisë, dashamirës të artit dhe qytetarë të tjerë.
Kryetari i Shoqatës së Artistëve figurativ “ Gursel Sylejmani” Mervan Mustafa së bashku me artistët nga Kolorado kanë zbuluar muralin i cili është punuar në bashkëpunim mes dy grupeve të artistëve dhe ka folur për nismën e këtij projekti, realizimin e tij dhe ka falënderuar të gjith protagonistet e këtij projekti.
Ndërsa përfaqësuesja e grupit të artistëve nga Kolorado Mery Wade , ka folur rreth punës së projektit, duke thënë se projekte të ngjashme do të realizohen edhe në Kolorado së bashku me artistët vitias.
Kurse për drejtoreshën e Kulturës Rinisë dhe Sporteve në Viti Kaltrina Sylejmani, puna e përbashkët e dy grupeve të artistëve tregon më së miri se arti është mënyra me e mire për të çuar mesazhe paqeje.
Në solemnitetin e zbulimit të muralit të qytetit, foli edhe drejtori i Drejtorisë së Kulturës rinise dhe sporteve ne Ferizaj Naim Ferati, i cili e ka vlerësuar larte punën e artisteve vitias dhe atyre nga Kolorado.
Ndërkaq profesori i fakulteti të arteve Hajrush Fazliu, u shpreh se Prishtina me nuk është metropol i artit, ngase duke pare ketë pune te madhe qe është bere ne Viti, mund te thuhet arti nuk njeh provincë dhe as qytete.
Projekti i përbashkët i artistëve nga Kolorado dhe atyre vitias , vazhdon edhe me disa aktivitete të tjera, ne ditët e ardhshme. /2L ONLINE/
