(2L ONLINE) – Me rastin e 1 Gushtit-Ditës së mërgimtarëve të komunës së Vitisë, janë organizuar një varg aktivitetesh nën organizimin e Drejtorisë për Kulturë Rini e Sport. Fillimisht mërgimtarët të shoqëruar nga udhëheqësit komunal dhe shoqatat kanë bërë homazh tek varrezat e dëshmorëve në Viti, e më pas është zhvilluar një pritje e kryetarit të komunës Sokol Haliti në ambientet e komunës, takim ky me karakter informues për zhvillimet e gjithmbarshme në komunë dhe nevojat e interesimet e mërgimtarëve.
Me këtë rast, kryetari i Komunës Sokol Haliti ka theksuar nevojën e takimeve të tilla me mërgimtarët dhe ka ëpremtuar se do të vazhdojnë edhe më tej më organizime të tilla.
“Keni ndihmuar në shtet ndërtim dhe po na përfaqësoni denjësisht , andaj edhe meritoni një respekt të jashtëzakonshëm. Ju pos aktiviteteve tuaja humane e qytetare nëpër botë, po ndihmoni edhe familjarët tuaj dhe po ndihmoni Kosovën me remitencat tuaja. Andaj, ne si institucione komunale, do të mundohemi që të ju ofrojmë shërbime më të mira, një pritje meritore që të kaloni pushimet ngrohtësisht në vendlindje”, ka thënë Haliti.
Në këtë takim me mërgimtarët, është promovuar edhe monografia e Ansamblit të Këngëve dhe Valleve “Arbëresha” që vepron në Zvicër të autorit Nue Ukaj. Duke marrë fjalën në këtë promovim, Ukaj është shprehur se kjo monografi është pasqyra e punës meritore e anëtarëve dhe udhëheqësve të AKV “Arbëresha” që me punën e tyre po mbajnë gjallë shpirtin kombëtar në Zvicër.
Ndërsa kryetari I Ansamblit “Arbëresha”, Ndue Ukaj, ka thënë se monografia për këtë ansambël, është I një rëndësie të madhe.
“Ne një grup entuziastësh me punën tonë dhe atdhedashuri, po arrijmë që të kultivojmë traditën tonë kombëtare shqiptare në Zvicër, duke mbajtur gjallë edhe kulturën shqiptare në Diasporë”,tha Ukaj.
Ai ka premtuar se do të vazhdojnë me angazhim të pashoq që të të arrijnë drejt sukseseve të reja . Në këtë takim ishin të pranishëm edhe përfaqësues të Ministrisë së Diasporës, si dhe mysafirë të tjerë.
Për nderë të Ditës së mërgimtarëve të komunës së Vitisë”, është shtruar një drekë e përbashkët nga Institucionet dhe AKV “Kemajl Azizi”, për mërgimtarë me ushqime tradicionale, ndërkaq në orët e pasdites u shfaq edhe një koncert I madh me këngë dhe valle nga repertori i AKV “Arbresha”-Zvicër, AKV “Kemajl Azizi”-Viti, Jonuz Ramadani”-Smirë dhe “Dasma” – Pozheran. /2L ONLINE/
