Xhelil ARIFI
TUFA STOIKE
Ty, që je ti
Të doli gjumi epokal
Sa hapë sytë
Ja tufa
Mu aty ku e kishe lanë
Është e qetë
Dhe vazhdon e kullotë ditët e veta
E nuk qanë kaptinën
As kur leshi i bahet qullë
Nga rrebeshi i shiut
Ajo vazhdon e kullotë e kullotë…
E ti mendon
Se ndryshon gja tufën
Ajo ishte e njëjta
Edhe kur kalonin Epokat
Edhe kur shekujt mbulojnë gjurmët
Tufa triumfon kohen
Edhe kur rebelet e paragjykojnë
Ajo ngelet Tufë!!!
