Forumi për Iniciativa Qytetare (FIQ) shpallë thirrje për pjesëmarrje në konkursin për çmimin e mirënjohjes për Filantropi në Kosovë.
Çmimi FIDES simbolizon mirënjohje publike për kompanitë dhe individët nga Kosova dhe diaspora të cilët në mënyrë sistematike dhe me ndjeshmëri ndaj ambientit, kulturës dhe vlerave tradicionale kanë mbështetur aktivitete dhe projekte të interesit të përbashkët.
Kategoritë për çmimet FIDES 2017 janë:
Kompanitë, individët, OSHC-të dhe komunat, mund të aplikojnë për kategoritë e mëposhtme:
• Çmimi FIDES për kontribut në nivel kombëtar “Hasan Prishtina” – I ndahet kompanisë, individit apo OSHC-së që ka ndërmarrë aktivitete filantropike në nivel kombëtar.
• Çmimi FIDES për kontribut individual – I ndahet individit që ka ndërmarrë aktivitete filantropike.
• Çmimi FIDES për kontribut nga Diaspora – I ndahet individit apo kompanisë nga Diaspora që ka ndërmarrë aktivitete filantropike në Kosovë.
• Çmimi FIDES për fuqizimin e gruas – I ndahet individit, kompanisë, OSHC-së që ka kontribuar në fuqizimin e gruas.
• Çmimi FIDES për mbrojtje të ambientit – I ndahet individit, kompanisë, OSHC-së që me aktivitetet e veta ka kontribuar në mbrojtjen e mjedisit.
• Çmimi FIDES për “Liderët e Rinj” – I ndahet individit, kompanisë, OSHC-së, që me aktivitetet e veta ka kontribuar në çështjet që preokupojnë rininë.
31 tetori është data e fundit e aplikimit për çmimin FIDES 2017.
Fituesit e çmimit do të shpallen gjatë ceremonisë së FIDES më 29 Nëntor 2017.
Kërkesat për aplikim
• Për këtë konkurs, aktivitetet e emëruara të kompanisë, individit, OSHC-së, duhet të jenë të zbatuar në vitin 2017
• Vetëm aplikacionet e përfunduara do të konsiderohen, siç është përshkruar në formularin zyrtar të aplikimit nga FIQ (që mund të gjendet në faqen tonë të internetit: www.fiq-fci.org) dhe ato të dërguara para afatit përfundimtar.
• Aplikacionet për secilën kategori i gjeni në fund të kësaj thirrje.
Për më shumë informata, ju lutem shihni linkun me poshtë:
http://fiq-fci.org/sq/fides-/
