Sipas tabloidit britanik, The Sun, Adnan Januzaj ka vendosur që të luajë për përfaqësuesen e Anglisë. Burime të tabloidit britanik kanë bërë të ditur se talenti i Manchester Unitedit ka vendosur ta përfaqësoj Anglinë.
Ndërsa, kjo nuk është hera e parë që mediat britanike raportojnë se Januzaj do ta përfaqësoj Anglinë.
Kurse, ditë më parë u raportua se Federata e Futbollit e Anglisë (FA) po shqyrton mundësit për ta ofruar Janzuajn në ekipin kombëtar.
FA po mundohet të gjejë një zgjidhje ligjore që mund t’i mundësonte Januzajt të luajë në Euro 2016. Mirëpo, deri më tani nuk ka asgjë konkrete.
Përveç Anglisë, Januzajn po e dëshirojnë edhe Kosova, Shqipëria dhe Belgjika.
Ndërsa, ish futbollisti i Kombëtares shqiptare, Besnik Hasi i ka rekomanduar Januzajt që të luaj për Kosovën ose Belgjikën.
“Për mua, ai duhet të zgjedhë midis dy vendeve: Kosovën apo Belgjikën, sepse ai ka lindur këtu, derisa në Kosovë janë rrënjët e tij”, ka deklaruar ndihmës trajneri i Anderlehtit për The Age.
