Komuna e Kamenicës njofton qytetarët se në bashkëpunim me operatorin ekonomik dhe në bazë të kushteve meteorologjike sot do të fillojë faza e dytë e dezinsektimit hapësinor.
Më datë 24.08.2021 nga ora 20:30 do të filloj dezinsektimi në periferi të qytetit për të vazhduar më pas nga ora 22:30 në qytet.
Gjithashtu më datë 24.08.2021 do të bëhet dezinsektimi në këto lokalitete: Kamenicë me të gjitha lagjet, Ruboc, Berivojcë, Koretin, Topanicë, Petroc, Reqan, Hajnoc, Stezoc dhe Krilevë.
Më datë 25.08.2021 nëse kushtet atmosferike do të jenë të përshtatshme dezinsektimi do të vazhdoj në këto lokalitete:Hodonc, Rogaçicë, Novosellë, Karaçevë e Epërme dhe e Poshtme, Muçiverc, Dajkoc, Shipashnicë e Epërme dhe e Poshtme, Poliqkë, Marocë, Hogosht, Kopërnicë, Strelicë dhe Grizimë.
Nëse në datën e planifikuar nuk mund të përfundoj i gjithë dezinsektimi në lokalitetet e caktuara, atëherë puna do të vazhdoj edhe ditën e nesërme më datë 26.08.2021.
Dezinsektimi do të bëhet me mjete motorike, kurse në qendër të qytetit me kombësori.
Luten qytetarët që t’i mbyllin dritaret, të qëndrojnë brenda, t’i mbyllin bletët dhe kafshët shtëpiake edhe për kundër faktit se preparatet e përdorura nuk bëjnë rrezik sipas OBSH-së në njerëz, në botën bimore dhe shtazore. /2LONLINE.com/
