/2L ONLINE/ – Myftiu Naim Tërnava sot ka pritur në një takim miqësor kryetarin e Komunës së Kamenicës Begzad Sinani i cili ia prezentoi pesë projektet e dorëzuara vitin e kaluar në Ambasadën e Emirateve të Bashkuara Arabe. “Kërkoj nga ju i nderuar z.Tërnava që të shfrytëzoni takimet dhe kontaktet e juaja me vendet arabe që të siguroni donacione për projektet e komunës së Kamenicës në interes të përgjithshëm të qytetarëve tanë” ka thënë Sinani.
“Nesër unë me delegacionin tim do të udhëtojmë për në Emiratet e Bashkuara Arabe dhe do t’i prezentojmë projektet e komunës tuaj me qëllim të gjetjes së donacioneve në këto shtete” tha nga ana e tij myftiu Naim Tërnava.
Kryetari Sinani ia dorëzoi nga një projekt edhe myftiut Tërnava si atë të: Rregullimit të Stadiumit të qytetit në Kamenicë, Një projekt për Objekt Banimit Social, Ndërtimi i Poliklinikës në Renovimin dhe zgjerimin e QKMF-së, Stadiumin në Hogosht dhe Rregullimi i një Ambulante në Petroc. /2L ONLINE/
