(2L ONLINE) – Autoritetet policore kanë bërë me dije se kanë arrestuar tre të dyshuar të cilët pasi kishin shkaktuar një kundërvajtje në trafik edhe kanë sulmuar zyrtarët policorë në detyrë.
Kjo ka ndodhur në Rrugën “Lidhja e Prizrenit” në Gjilan. Sipas policisë, janë arrestuar tre të dyshuar, të cilët kishin shkaktuar një kundërvajtje në trafik, dhe të njëjtit pas kësaj kishin sulmuar fizikisht zyrtarët policorë në detyrë.
Tretman mjekësor kanë pranuar tre zyrtarët policorë. Pas intervistimit me urdhër të prokurorit që të tre të dyshuarit dërgohen në mbajtje./2L ONLINE/
