Xherdan Shaqiri është alfa dhe omega e Kombëtares së Zvicrës. Ai me bashkëlojtarë mund të bëjë gjëra të mëdha në Euro 2016 që mbahet në Francë. Portali “dailyfreepress” ka shkruar se Zvicra mund të shkëlqejë në Euro 2016. “Një tjetër ekip që mund të shkëlqejë është Zvicra. Për të dytën herë radhazi në këtë eveniment, zviceranët do të jenë me Francën në grup. Zviceranët mund ta kontrollojnë grupin. Zvicra është e 12-ta në renditjen botërore të FIFA-s. E udhëhequr nga mesfushori më kualitativ që ka, Zvicra vazhdon të jetë një prej ekipeve më të mira në botë. Shaqiri mund ta udhëheq Zvicrën drejt shkëlqimit këtë verë në Francë”, shkruan “dailyfreepress”.
