Arrestimi im ishte si nëpër filma

Shefi i protokollit në MFSK, Gafurr Dugolli,ka rrëfyer lidhur me burgosjen e tij që i ka bërë shteti i Maqedonisë, më 11 mars të këtij viti, duke thënë se arrestimi ishtë bërë si nëpër filma.
Dugolli në emisionin “Info – Box” të RTV Dukagjinit, ka theksuar se në periudhën e pasluftës, ai disa herë ka shkuar në Shkup dhe nuk ka pasur ndonjë problem, duke shtuar se sjellja e prokurorisë ka qenë diskriminusese ndaj tij, transmeton Telegrafi.

“Kam prit mbi një orë në kufi, derisa ka ardhur njësia tjetër që më ka arrestuar. Njësia policore që më ka arrestuar, ka bërë sjellje sikurse të ishte nëpër filma. E konsideroj si të tepërt lidhjen dhe futjen në një kafaz të hekurt. Asnjë dokument nuk ma kanë ofruar kur më arrestuan. Në gjykatë e mora vesh që në bazë të urdhërarrestit prej Serbisë. Prokuroria ka vepruar tërësisht mbi paragjykime, derisa avokati im i shqetësuar u tregonte se po i shkelin të drejtat e njeriut”, ka theksuar ai.