Njësiti Policor i Policisë së Kosovës në Gjilan sot pasdite rreth orës 17:00, ka pranuar një informatë se në fshatin Shurdhan, komuna Gjilan një traktor i ngarkuar me dru është rrokullisur.
Ismet Hashani, zëdhënës i Policisë së Kosovës (PK), në Drejtorinë Rajonale në Gjilan ka bërë me dije se nga hetimet e para në vendin e ngjarjes është mësuar se traktori I ngarkuar me dru, është rrokullis dhe si pasoje e kësaj, pa shenja jete është gjet drejtuesi i mjetit i moshës rreth 53 vjeçar, vdekjen e të cilit e ka konfirmuar mjeku kujdestar.
Për rastin është njoftuar prokurori i shtetit i cili ka urdhëruar që trupi i pajetë të dërgohet në obduksion.
Hetimet rreth këtij rasti të rëndë janë duke i udhëheq hetuesit e trafikut rajonal. /2LONLINE.com/
