QKUK: Mbi 4 mijë e 500 pacientë operuan sytë
Shërbimi Spitalor Klinik dhe Universitar i Kosovës (SHSKUK) bënë të ditur se mbi 4 mijë e 500 pacientë janë operuar në Klinikën e Syve, të Qendrës Klinike Universitare të Kosovës (QKUK), gjatë viti 2024.
Ky numër është rritur për 500, krahasuar me vitin paraprak.
“Rritja e numrit të operacioneve dhe performancës është bërë falë investimeve që janë bërë nga Ministria e Shëndetësisë dhe ShSKUK, qoftë në investimet në infrastrukturë, poashtu edhe në resurse humane dhe pajisje mjekësore”, thuhet tutje në njoftimin e SHSKUK.
Në këtë klinikë janë kryer edhe mbi 45 mijë vizita ambulantore specialistike dhe sub-specialistike në profile të ndryshme oftalmologjike.
Tutje thuhet se në këtë klinikë është rritur edhe gama dhe llojet e operacioneve, përfshirë edhe ato më të komplikuara, që ka mundësuar që referimet për trajtim jashtë vendit të ulen dukshëm. /2LONLINE/