Organizata “Qatar Charity” ka ndihmuar 200 familje të komunës së Vitisë me pako ushqimore, në kuadër të projektit “Pakoja e Ramazanit”.
Shpërndarja e këtij donacioni është bërë përmes Komitetit Komunal për Mbrojtje dhe Shpëtim (KKMSH), në bashkëpunim me këshillat e fshatrave. Pos pakove ushqimore, për këto familje do të ndahen edhe 5000 kg miell, respektivisht 25 kg për familje. Në emër të Institucioneve komunale të Vitisë, drejtori Basri Aliu ka falenderuar organizatën “Qatar Charity”, për ofrimin e kësaj ndihme, që ishte e domosdoshme për mbështetje të familjeve në nevojë.
