Drejtoria Rajonale e Policisë Gjilan, me datën 27.12.2022 në kuadër të projektit ,,Festojmë së bashku’’ ka vazhduar me shpërndarjen e disa dhuratave për fëmijë në qendrën për përkujdesen ditor ,,Pema’’ në qytetin e Gjilanit, fëmijët e komunitetit rom si dhe fëmijëve të tjerë në disa lagje të qytetit të Gjilanit të cilët janë takuar nga ana e zyrtarëve policor.
Shpërndarja e dhuratave nga ana e zyrtarëve policor është bërë me qëllim që të u tregohet fëmijëve se Policia e Kosovës përpos që kujdeset për sigurinë e tyre dhe të gjithë qytetaret, tregon kujdes edhe për gëzimin dhe lumturinë e tyre.
Drejtoria Rajonale e Policisë në Gjilan uron të gjithë për festat e fundë vitit duke dëshiruar shëndet, dashuri, gëzim dhe realizim të të gjitha ëndrrave.
