Në kuadër të Shkollës së Mesme Teknike Profesionale “Jonuz Zejnullahu” në Viti, tani e tutje do të funksionojë edhe Qendra e Karrierës, projekt ky i investuar nga Qeveria zvicerane përmes organizatës Helvetas, programi EYE “Rritja e punësimit për të rinjët”.
Pjesë e kësaj qendre, do të jenë 600 nxënës, të cilët do të kenë rastin të këshillohen dhe aftësohen në lëmi të ndryshme të punës.
Kryetari i komunës Sokol Haliti, në fjalën e tij përshëndetëse, tha se Qeveria zvicerane, në vazhdimësi ka investuar projekte të rëndësisë së veçantë në komunën e Vitisë dhe ka shfrytëzuar rastin të falenderoj edhe organizatat implementuese të projekteve në këtë komunë.
“Ne si institucione komunale, së bashku me organizatat implementuese të projekteve investive zvicerane, kemi qenë të përkushtuar që ta qojmë Vitinë në progres të zhvillimit të gjithmbarshëm ekonomik. Na vazhdën e kësaj, sot po përurojmë edhe Qendrën e Karrierës këtu në shkollën e mesme profesionale “Jonuz Zejnullahu”, që do tu shërbej nxënësve që të shfrytëzojn për zhvillimin e tyre dhe orientim të karrierës”, ka thënë kryetari Haliti.
Valbona Fetiu, përfaqësuese e Ministrisë së Arsimit, duke folur për rëndësin që e kanë këto qendra, ka theksuar se do të shërbej si qendër e burimit të informatave për të rinjët.
Në këtë ceremoni, u bë e ditur se Qendra e karrierës në Viti, është e nënta me radhë e themeluar në Kosovë, ndërkaq udhëheqja e Divizionit për Ekonomi dhe Punësim në Ambasadën Zvicerane Katrin Ochsenbein, falenderoi institucionet komunale të Vitisë, për bashkëpunimin tejet të mirë, në finalizimin e këtij projekti. /2LONLINE.com/
