Në Gjilan po vazhdon pastrimi i shtretërve të lumenjve, me qëllim të shmangies së vërshimeve të mundshme.
Kryetari i Komunës Alban Hyseni, ka parë nga afër punimet të cilat po zhvillohen për pastrimin e shtratit të lumit në fshatin Malishevë.
Hyseni tregoi se janë pastruar mbi tre kilometra të shtratit të lumit që kalon përgjatë gjithë fshatit.
“Po vazhdojmë me pastrimin e shtretërve të lumenjve, me qëllim për të shmangur vërshimet”, tha kryetari Hyseni.
Kryetari shoqërohej edhe nga drejtori i Drejtorisë për Mbrojtje e Shpëtim, Bejtullah Osmani. /2LONLINE/
