Nuk pakësohen kundërvajtjet në trafik, por nuk ndalet as dora e policit që shqipton gjobë. Gati 2 mijë e 400 gjoba trafiku vetëm brenda 24 orëve të fundit.
Duke iu referuar statistikave policore brenda 24 orëve, në tërë territorin e vendit janë shqiptuar 2 mijë e 396 tiketa gjobitëse për drejtuesit e automjeteve që nuk kanë respektuar ligjin.
Policia e Kosovës në raportin e saj të 24 orëve të fundit, ka bërë me dije për 51 aksidente trafiku, 13 me lëndime dhe 38 me dëme materiale, por pa të lënduar, transmeton Portali 2LONLINE.com.
Përndryshe, brenda kësaj periudhe kohore janë arrestuar 12 persona, 2 prej tyre janë dërguar në mbajtje dhe 2 në vuajtje të dënimit. /2LONLINE/
