![Nga marrëveshja e mirëkuptimit për bashkëfinancim, përfiton Skifteraj](https://2lonline.com/file/2021/02/haliti_bujqesi-150x84.jpg)
Kryetari Haliti dhe Ministri Mustafa nënshkruajnë marrëveshje mirëkuptimi për bashkëfinancimin e një projketi që parasheh ndërtimin dhe rehabilitimi e sistemeve të ujitjes në Komunën e Vitisë, konkretisht në fshatin Skifteraj
Kryetari i komunës së Vitisë, Sokol Haliti së bashku me Ministrin e Bujqësisë, Pylltarisë dhe Zhvillimit Rural, Besian Mustafa kanë nënshkruar sot një marrëveshje bashkëpunimin për realizimin e master planit për ujitjen e tokave bujqësore ku përfitues i saj do të jetë edhe komuna e Vitisë, konkretisht bujqit e kësaj komune në fshatin Skifteraj.
Fillimisht për rëndësinë e këtij projekti ka folur Besian Mustafa, Ministër për Bujqësi, Pylltari dhe Zhvillim Rural i Republikës së Kosovës.
Më pas në një fjalë rasti kryetari Haliti, ka theksuar rëndësinë e realizimit të këtij projekti në fushën e zhvillimit të ekonomisë, konkretisht të sektorit bujqësorë duke e cilësuar atë si makro projekt.
“Ky memorandum është tepër i rëndësishëm, sepse me të në ardhmen priten ditët e mira për fermerët e Kosovës dhe për zhvillimin e bujqësisë intensive, si intencë e jona që të sjellë profitabilitet dhe punësim si dhe pengimin e gjeneratave të reja që të dalin jashtë shtetit” u shpreh Kryetari Haliti. /2LONLINE.com/Nga marrëveshja e mirëkuptimi për bashkëfinancimin përfiton Skifteraj