Organizata për Reforma Lokale “EULOC”, ka zhvilluar sot një punëtori me zyrtarë komunal, me temë “Roli i qeverisë lokale në kuadër të procesit të integrimeve evropiane”.
Pjesmarrës të këtij trajnimi ishin zyrtarët e administratës komunale të Vitisë e ku u prezantuan edhe raporti i të arriturave nga ana e Institucioneve komunale, e që kanë të bëjnë me integrimet evropiane. Florim Brahimi, drejtor ekzekutiv i kësaj organizate, mes tjerash ka prezantuar dokumentet strategjike që parashihen në kuadër të marrëveshjes së stabilizim asocimit –MSA për Kosovën.
Ai gjithashtu ka prezantuar gjithë punën dhe të arriturat institucionale karshi këtij procesi, si dhe obligimet që kanë institucionet komunale.
Pjesmarrësit e kësaj punëtorie, nxorrën si rekomandim që të krijohet data baza për menaxhimin e programit të trajnimeve, të ndërmerren veprime për përmirësimin e traqnsparencës komunale, që komuna të hartoj strategjinë kundër dhunës në familje, të ndahen fonde të qëndrueshme dhe afatgjate për ofrimin e shërbimeve sociale.
Po ashtu si rekomandim doli edhe ajo që komuna të miratoj planin tre vjeçar për strehim social, të ndahet buxhet për personat e riintegruar etj.
Ndryshe, ditë më parë, Organizata për Reforma Lokale-EULOC, në bashkëpunim me Rrjetin e Grupit të Grave të Kosovës , ka mbajtur një fushatë pesë ditore për vetedijesimin e qytetarëve, në mbështetje të sa më shumë grave (femrave) për deputete në Kuvendin e Kosovës në listat zgjedhore të partive politike, aksioni ky që është përcjellë me shpërndarje të fletushkave nga vullnetaret e Organizates – EULOC në Viti.
