Kryetari i Komunës së Gjilanit, Alban Hyseni, së bashku me Organizatën e Veterantëve të Luftës së UÇK-së, ka bërë sot homazhe te Varrezat e Dëshmorëve, në shënim të Ditës së Veteranit.
Kryetari Hyseni ka konfirmuar me këtë rast thellimin e bashkëpunimit me shoqatat e dala nga lufta e UÇK-së.
“Në Ditën e Veteranit së bashku me OVL UÇK ne kemi dalë që të nderojmë këtë ditë të shënuar, ndërkaq vendi për ta shënuar këtë janë varrezat e dëshmorëve, ku prehen ata që kanë dhënë gjithçka për vendin e për qytetin tonë. Një nderim i tillë na nderon edhe neve si Komunë dhe mua si kryetar i Komunës. Konfirmoj se bashkëpunimi ynë me shoqatat e dala nga lufta e UÇK-së do të thellohet edhe më shumë gjatë viteve në vijim”, ka thënë kryetari Hyseni. /2LONLINE/
