Sot Ministri i Mbrojtjes Armend Mehaj ka pasur një takim virtual me Ministren e Mbrojtjes së Malit të Zi, znj. Olivera Injac, me të cilën kanë diskutuar për situatën e përgjithshme të sigurisë të krijuar pas agresionit ushtarak të Rusisë në Ukrainë si dhe reflektimit të tij në rajonin tonë.
Gjithashtu, ai e ka uruar Ministren Injac për marrjen e kryesimit të Kartës së Adriatikut, SHBA-A5 nga ana e Malit të Zi për vitin 2022.
Të dy ministrat vlerësuan se bashkëpunimi bilateral, në mes dy vendeve fqinje, duhet të thellohet në vazhdimësi, në funksion të interesave të përbashkëta dhe në shërbim të paqes, sigurisë dhe stabilitetit rajonal dhe më gjerë. /2LONLINE/
