Qendra Kryesore e Mjekësisë Familjare (QKMF) në Viti, ka pranuar sot një donacion prej Sokol Shaqirit nga Terpeza e Vitisë i cili jeton në Gjenevë të Zvicrës.
Sipas Drejtoreshës së QKMF-së në Viti, Dr. Vjollca Kadolli-Halili ai ka dorëzuar kësaj qendre pajisje të rëndësishme në luftën kundër virusit pandemik COVID-19.
“Kemi pranuar një donacion nga bashkëvendësi ynë, z. Sokol Shaqiri cili jeton në Zvicër. Donacioni i tij përfshin pajisje mjekësore për mjekët vitias që janë në vijën e parë të frontit në luftën kudër virusit COVID-19. Në këtë donacion bëjnë pjesë Stetoskop me manzhetë dhe pulsoksimetër , të cilët do të shërbej për matjen e saturimit me oksigjen, veçanërisht e dhënë e rëndësishme per pacientet e dyshuar me virusin COVID-19” u shpreh Drejtoresha Kadolli-Halili.
Ajo shtoi se komuna e Vitisë, në veçanti QKMF-ja ju është mirënjohës atij por edhe të gjithë atyre që po i ndihmojnë mantel bardhet në këtë situatë të pandemisë globale.
