Kryetari i Kryesisë së NISMA-s, Fatmir Limaj, ka thënë se autostrada, për të cilën siç tha ai “bëhet shumë llaf për të”, është krenar që e ka punuar si projekt. Ai tha se është krenar që i është dhënë mundësia në realizimin e saj.
“Jam krenar për autostradë sepse pavarësisht llafeve ditore, mund ta shohim edhe pas 20 viteve se çka kemi bërë me të. Jam krenar që më është mundësia të realizohet ky projekt”, ka thënë Limaj në një emision në “1first Channel”
Por para se të bëhet bisedë për diçka që shihet, tha Limaj, pse askush “nuk e bën llaf ku kanë mbetur mbi 2 miliardë euro që janë dhënë për energjinë”.
“Ku janë 2 miliardë e më shumë euro për KEK-un, askush nuk e bën llaf këtë punë. Nuk e bëjnë sepse paguhen nga lobingjet që të mos bëhet llaf kjo punë”, ka thënë Limaj.
Ai tha se vendi nuk do të ecë përpara, me njerëzit që kanë shitur shpirtin dhe punojnë natë e ditë kundër vendit të vet.
