Zëvendëspresidentja e AKR’së, Mimoza Kusari-Lila, e ka quajtur koalicion të hakmarrjes krijimin e bllokut opozitar LDK-AAL-NISMA, i mbështetur edhe nga Vetëvendosja. Ajo ka thënë se është e pamundur që AKR t’i bashkohet këtij koalicioni pasi kjo parti nuk qeveris me logjikën e hakmarrjes dhe revanshit.
“Në këtë formën e bllokut opozitar, sic është krijuar tani, mendoj se është e pamundur një gjë e tillë, për shkak të qasjes dhe formës se si e kanë bërë. AKR nuk qeveris në parim të hidhërimit ose të revanshit. Pra, mënura se si është krijuar ky bllok opozitar, është më shumë formë hakmarrje dhe nuk është formë se si qeveris AKR”, ka thënë ajo për gazetën Epoka e Re.
