Kryetari komunës së Vitisë, Sokol Haliti, ka pritur sot në takim Oltion Beshirin përfaqësues i CDF, i cili e ka njoftuar kryetarin në lidhje me projektin pesëvjeçar “Zhvillimi Gjithëpërfshirës Ekonomik i Kosovës” (IEEA).
Gjatë këtij takimi kryetari Haliti tha se sikur çdo vit tjetër komuna e Vitisë është e hapur për bashkëpunim të mëtutjeshëm me të gjitha organizatat vendore dhe ndërkombëtare.
Ky projekt që financohet nga Agjencia e Shteteve të Bashkuara për Zhvillim Ndërkombëtar (USAID), ka për qëllim fuqizimin dhe rigjallërimin e bizneseve në pronësi të grave dhe pakicave të goditura nga pandemia Covid-19, duke iu ofruar mundësi më të mëdha ekonomike dhe rrjedhimisht, duke rritur qëndrueshmërinë e bizneseve të synuara dhe duke nxitur efekt zinxhiror në tërë sektorin privat në Kosovë. /2LONLINE/
