Rektori i Universitetit Publik ”Kadri Zeka” në Gjilan, Prof. Asoc. Dr. Artan Dërmaku ka pritur në takim Kryetarin e Komunës së Gjilanit, Alban Hyseni.
Gjatë këtij takimi kryetari Alban Hyseni e ka uruar Prof. Asoc. Dr. Artan Dërmakun për zgjedhjen Rektor i UKZ-së, derisa e ka siguruar rektorin se Universiteti Publik “Kadri Zeka” do të ketë gjithmonë mbështetjen e Komunës së Gjilanit.
Nga ana e tij, Rektori Dërmaku e ka njoftuar kryetarin Hyseni rreth zhvillimit dhe funksionimit të Universitetit. Rektori ka thënë se Universiteti Publik ”Kadri Zeka” do të krijojë kuadro të përgatitura për tregun e punës, përmes të cilave Kosova por edhe rajoni do të rrisë aftësitë konkurruese në nivelin arsimor dhe më gjerë.
Rektori Dërmaku dhe kryetari Hyseni ndër tjerash diskutuan për bashkëpunimin mes të dyja institucioneve që ata udhëheqin si dhe rreth punës së mëtutjeshme në realizimin e projekteve të përbashkëta. /2LONLINE/
