Kryeministri i vendit, Hashim Thaçi ka uruar të martën qytetarët e Kosovës që viti 2014 të jetë vit i mbarë dhe i suksesshëm.
Ai në rrjetin social Facebook në emër të Qeverisë së Republikës së Kosovës uroi të gjitha familjet kosovare për sa më shumë shëndet, mirëqenie e gëzim në vitin e ardhshëm.
“Shpresoj që ky mesazh imi t’ju gjej me shëndet të plotë juve dhe njerëzit tuaj më të dashur. Uroj që ky vit të finalizohet për juve dhe familjen tuaj me sa më shumë arritje dhe gëzime e që viti i ardhshëm të na rezervojë të gjithëve më shumë mbarësi dhe suksese. Urimet më të përzemërta ia dërgoj gjithashtu të gjithë shqiptarëve kudo që janë! Gëzuar dhe qoftë sa më i mbarë për të gjithë ne Viti i Ri 2014!”, u shpreh kryeministri.
